أحبّائي وأصدقائي
إلى أحبّائي وأصدقائي...من أعرفهم شخصيًّا أو إفتراضيًا... في لبنان والعالم العربي وبلاد الهجرة ... من زيّنتم يومي بحضوركم العَطر، وأمنياتكم الطيّبة – وأشعرُ أنّها تحملُ صِدقَ عيونكمْ ونقاء بوحكمْ ... أشكرُكم فردًا فردًا ... وأضاعف لكم من الأمنيات ما توخيتموه لي ... وأعتبرُكم سنابلَ قمحي فوق بيدر عمري ... خصبًا بالودِّ وتبادل العطاء وغذاءً روحيًّا وأخويًّا ... ولكم دعائي إلى الله بأن يمدّكم وعيالكم ومحبيكم بالصحة والفرح ووفر الرزق ... والعمر المديد من كرمه ... وهذه باللُغا اللبنانيي إلى الله...
بعدو العمرْ
عمْ يُغزُلْ خيوط الهَنا...
ويا الله كتيرْ،
بشكرْ نِعَمْ عَطْفكْ...
كَنْزكْ
كبِرْ فييِّ
ودفا لُطْفكْ...
بيضلْ
كلّْ العمر
عَمْ يُقطف جنا...
وإذا يا الله
عِدَّيْتْ ع البستان،
تغزّلت بالحلوي
اللي هي عَمْ تِغوي
ما ترفع الميزان...
إنت الخلقتا دِنْيِةْ حلا بعمري،
وشو عمري؟
لولا حلاها؟؟
ما كانْ عطر وبيلسانْ؟
ومُشْ عن قليلْ هجَرْتْ هـ الفردوسْ
حتى بشذاها
لملم العسلات...
ولو غزا شوكْ الورد صدري...
يا الله كتيرْ
خلقت بعمري ربيع...
وعم ضيعْ...
صرت بخريفي
وبشكركْ
عَ كُلّْ صنيعْ
وبطلب يا الله
بهالزمنْ تحمي القطيعْ...
وتُزهرْ جنا عطفكْ ع أصحابي
يَلْ كُلْ منهم عَايِدْ ب شِمْعَهْ
مِتْلنْ صِرِتْ دَمْعَهْ
عَ خد الوفا
وعيون أحبابي...
رحَمني يا الله
وزيد من عمرنْ
متل ما طلبو تزيد من عمري...
ميشال مرقص
ليست هناك تعليقات:
إرسال تعليق