لا تتركي
هَـ لْ عُمرْ لِلْ يا رَيتْ...
همسات حب
بِ لْ محكي - 2
كريستيان شوب – (الألزاس
1954 - ؟)
1
لا تسألي عنّي،
أنا فلّيتْ...
ما عِدتْ أعرفْ مطرحي
بحالِكْ...
ساعة ع شطّ لْ حبّ
عاملْ بيت...
وجوّاتْ قلبِكْ
كونْ أحلالِكْ...
وبين لْ وَمَى ولْ بالْ
-
عَ سْ سِكَيتْ
يمكن أنا عم أخطرْ
ببالِكْ...
ولا تتركي لْ إيّامْ
لِلْ يا رَيْتْ...
يمكنْ وجع هلْ حبّ
مُوّالِك...
قولي -
تَ إسمع - كلمة لْ
حبّيتْ...
خلّي شْ شِعِرْ مَوسمْ
حَلَى قبالِكْ...
ولا تتركي هلْ عمر –
خالي زْ زَيت -
بعدا خوابي لْ حبّ عَ
ديالِك...
وتَ تِسألي عنّي؟
أنا تخبّيتْ
مطرح ما لَون شْ شِعرْ
غنّالِك...
كلْ ما قطفتي حرفْ،
أو جِنَّيْتْ
تَ أقطف جنوني من
جنونِك...
بلاقي بعيون لْ حبّْ
رسمالِك...
8/9/2015
2
بعدو دْ دَفا
محتار
عَ شفافِي...
وتِنْميلْ
بعدا بوسْتِكْ
تحكي...
وِعْيِتْ...
وبعدو هـ سْ سِكِرْ
غافي...
بوسي
وغرقاني بقلب ضحكي...
15/2/2014
3
يِمْكِنْ سِهي،
لِمْ فَلّْ
وتغيَّرْ
لونْ سْ سِحرْ
وتلونّو شفافِك...
هونْ في بوسي،
ودفا محيّرْ...
ونسمة عطر غافي
على لحافِك...
ميشال مرقص
1/2/ 2014
