لا
تخاف يا تشرين
"ليلة أوكتوبر" - أوجين لويس لامي (باريس 1800-1890)
لا تخافْ يا تشرينْ،
لوْ مَرَقْ أيلولْ،
عندكْ إنتْ معسولْ
خبزْ العنبْ والتينْ،
أوْ
كمْ حَبْقا تقولْ
يا مسا أيلولْ:
جنّْ فينا الريحْ،
ويا عَجْقِة مجانينْ...
شو صارْ بالحلوينْ
يا شهرْ تشرين؟
ما عادْ طلّو،
هونْ
أو فلّو...
تغيَّرْ بوجّي اللونْ
تغيّرو تكاوينْ..
صِرنا عَ حفّةْ عُمرْ
لو كانْ عمرْ الدهرْ،
بيخلَصْ جَنا بساتينْ...
لو قِلتْ للحلوينْ
إنتو بشهرْ تشرينْ
لا تخجلو من العمرْ
بيطيبْ لونْ السِحرْ...
بيحلا العسلْ بالتينْ
بيطيبْ عشق الخمرْ
يا جوقةْ مجانينْ...
ميشال مرقص
