لا تركضي
خلف لْ هوى
مجنون...
لا تركضي
تَ تِحلمي بْ حالِكْ
هوّي لْ حلمْ
مشوارْ/
أحلالِكْ...
يتنقوزْ من لْ حبّْ
يمكنْ صارْ
كمشةْ شعرْ
عَ موجِةْ ديالِكْ...
لا تركضي
خلف لْ هوى
مجنون...
عطرْ الحروفْ
تكوكبتْ بِ لْ لونْ...
مهما عشقتي
بعدْ بدّو
لْ كونْ
تَ يِنتلي من لْ عشقْ
ينطرْ
هونْ
عَ بسمتِكْ
عَ شالْ متلْ لْ سِكْرْ
شَمْشمْ كتافِكْ
مالْ عَ خصرِكْ...
لوّحْ نبيدْ لْ عُمرْ
صارْ لْ خمرْ
يُغمُرْ شفافِكْ...
لا تركضي
مهما لْ موسم صارْ
معتّقْ بِ كرمْ لْ حبّ/
بيبقى بِ صَدرِكْ عشقْ عمْ بِ غارْ
من قلبْ
من غمرِةْ حنانْ
من موسمْ لْ ساهي عَ غفوةْ هَـ دني...
تعمشقي
بنظراتْ عينيّيِ
يمكنْ سهي عنْ بالِكْ
جنوني...
لا تلتهيْ بالركض...
شو مجنونْ
حلمي تَ حبّكْ...
تلحقي
جنوني...
ميشال مرقص
27 آب 2016
BEAUUUU. ET. MUSICAL
ردحذف