إلى الأديبة ماري قصيفي
أيلول بعدو،
وما مرَأْ تشرين،
ويِمْكِنْ
ما دَوْزَنْ
حِلِمْ أَشْعارو،
مهوشَلْ وَحْدو...
وصارْ عنّا سنين
ملَغْشَني
عَ زِنْدْ
نوارو ...
لا بألب عطرو غَلّْ
ولا رتاحْ
مِنْ حالو،
ولا دَمْعو بِسُرُّو باحْ
ونامْ بغفى خيالو.
ولمّا بيجي أيلول
غرَإي بنسمةْ عطر،
بشَهئِةْ سني وفصولْ
وِغْمارْ نثرْ وشِعْرْ...
يا هَلْ جَميلي
نسي
إنُّو وصلْ أيلولْ...
إنّو زْ زَمَنْ مشلولْ.
بِلْ حب....
ما تِئْسي...
- يِمْكِنْ مواويلي تِمسح "دموع زغار"
تخربِش جوانح طيرْ-
طيري بلا أسرارْ
طيري...
ويا غنجةْ خيرْ
عم تُهْدُل شفافك...
صلا عَ جُنْحِ لْغيم ...
يا غَمْزِةِ لْعشقِ شْ شَهي ...
...وِضْ ضَيمْ...
ميشال
ليست هناك تعليقات:
إرسال تعليق