صارْ لْ هوى محتارْ/ضَيَّعْنا مَلْقى ورا ملقى...

صارْ لْ هوى محتارْ/

ضَيَّعْنا مَلْقى ورا ملقى...

Alexandre Cabanel 1823-1889

  

1

صرنا متلْ وَرْقا...

بلْ هوا

بِ تْطيرْ...

جوانحا خفقةْ حزنْ

حَرْقا...

بلْ كادْ ما بْ تِلقا...

حلمْ زغيرْ...

يخرطِشْ جنونْ لْ حبّْ

عَ لْ ورقا...

يمكِنْ تِعِبْ بِ جْوانحو

أوْ صارْ

عَ كِتِرْ ما لْ أحلامْ

تِ تْبَخَّرْ...

محتارْ

شَدّو لْ وَعْدْ

تَ يِسْكَرْ

صارو

شفافو خبارْ...

يِرجعْ حنينو يسْرِقِكْ سِرْقا

هَـ لْ حِلمْ شو غدّارْ...

تارِكْ لْ ورقا تطيرْ...

يُغزلْ حلا مشاويرْ..

شو صارْ

حتى  تِعبِتْ لْ وَرْقا؟؟؟

وخدّْ لْ قصيدي تعَمْشَقْ ب حِلمو...

تَ يْزيدْ

بِ لْ حَرْقا...

صرْنا متل وَرْقا

دابو حروفْ لْ شعرْ

صارْ لْ نهرْ

فسطانْ...

مَشْتِلْقا؟؟؟

صارْ لْ هوى محتارْ/

ضَيَّعْنا

مَلْقى ورا ملقى...

2

يِمْكِنْ
إذا تشِبَهْتْ بِ لْ دَمعا...

صيرْ 
عَ خدِّكْ حلا...
إسْكَرْ...

صيرْ مِتلا دوبْ
أو
شَمعا...

لا تِمسحي لْ دمعا...

خلّي 
عَ خدّكْ هـَ لْ حلا...

يِكبرْ...

ميشال مرقص