كانْ بعدو لْ حبّْ نسمةْ
شَيْطَني...
بومبيو باتوني (إيطاليا 1708 – 1787)
الزمن يأمر الشيخوخة أن تُدمّر الجمال...
كبرنا...
صار لْ عُمرْ خلفْ لْ بابْ/
ضبضبْ سنينو...
وناطرْ لْ مشوارْ...
يمكنْ – يا الله...
لْ عُمرْ ما لو حسابْ...
يمكن حنينو
يضلْ جوّا دْ دارْ...
ويمكن
إذا – كرمالْ هَـ لْ أحبابْ...
يضلْ بعرينو...
يزيد لَنّو نهارْ...
دخلكْ يا الله
ليش كنّا زغارْ...
وخطفتنا من حلمْ كلّو ولدَني...
ننسى شْ شَقا
ننسى الألمْ
ننسى ل عذابْ...
ونتمرجح بلونْ سْ سَما/
وتسهى دْ دِني...
ولو ما سنينكْ عربشو وصِرْنا كبارْ...
كانْ بعدو لْ حبّْ نسمة شَيْطَني...
كبرنا يا الله!
ولْ عُمرْ عم يستريحْ/
عَ دروبْ
عمْ تُرسمْ صلى وتبكي دموعْ...
لونْ لْ عُمرْ
عمْ تغزلو هجماتْ ريحْ...
كلْ ما نزلْ عَ لْ أرضْ/
بِ تِشدّو طلوع...
ولو ما نزلْ تَ يفتدي عنّا لْ مسيحْ
ولو ما سَبَقْنا
من دّْ دني ابنكْ يسوعْ...
كانْ مجدْ لْ حبّْ
عَ مجدكْ جريح...
ومجد حبّكْ لِلْ دني
نسمة خشوعْ...
كبرنا صارْ لْ عُمرْ
ناطرْ لِلْ غياب...
نطرنا يا اللهْ/ هَـ دْ دني كمشة عذاب...
نطرنا – بسْ شوي طوِلْ هَـ لْ حياة
أثمنْ هديي عطيتنا!
تَ تاخدا؟
لا!
إنتْ أرحمْ تِكْرَمْ علينا دْ دني/
وإنتْ حكمك أعدلْ
وعدلكْ صوابْ...
ميشال مرقص
4 تشرين الثاني 2016
chi 7elooooooooooo bass 7azin
ردحذف