يمكن بعد بيفيد الحكي..

يمكن  بعد بيفيد الحكي...

 

(إلى كل شهيد في جيش لبنان)

(وإلى جيش لبنانْ في وجه منْ يعتدي على كرامته)

كلّْ ما انهزّ الزمَنْ

بيكونْ في عنّا شهيد..

عم ينطوي – يا شموعْ عيد-

قلب الكفنْ!

يا مجدْ عمْ يعجنْ مِحنْ

يا شموخْ

فوق المجدْ صارْ

لا تلتفِتْ صوب المدارْ

"في ظلمْ

خِلقا وانتشرْ

في ناس ما عادتْ بشرْ،

في نفوسْ سودا ملتمّي

بعتمي

بفقدانْ البَصرْ..."

يدّْ الغدرْ

شو طايلي

تُخطفْ شبابْ مزيّني

بهاك البطولي الشايلي

عَ كتفْ نِجمي

جبهتا

وملوّني

بهاماتْ عم تُقطُرْ فِدا...

يا أرزْ رددلو الصدا

لا تكفنّوا

قلّو القدَرْ

تحتْ كل فيّةْ حجرْ

بس إنتَ العمرْ فيك بيختصرْ

مجدْ وبطولي وعزّْ

أعلى من الكِبَرْ...

يا عسكرْ لعلْ أرضْ

بتفجّرْ شرفْ

لا تتكيْ

يمكن بعد بيفيد كم كلمة حكي

وتبقى الوفا والتضحيي

تصونْ الشرَفْ...

ميشال مرقص