بدّك تجي
يا يسوع؟
الرعاة يكرمون يسوع
(1668)- برتولو استيبان موريللو (1617-1682)
بدَّكْ تِجي؟
بدَّكْ تِجي؟
شو في؟
شو عِنَّا؟
لا عادْ هيرودُسْ
ويوحنّا...
لا عادْ عنّا مجوسْ
أوْ
رعيانْ
صرْنا –
عَ وجّْ الذلّْ –
مَوْطَنَّا...
كنّا،
إذا
الميلادْ
بالإيمانْ،
دَقِّتْ جراسو –
يِقتِرِبْ منّا،
وصارْ العمرْ،
عمْ يُهرُبْ/
وبردانْ
لونْ المغارهْ/
قَهْرْ لَوْنَّا..
نهرْ البكي/
لا تقولْ/
شو هربانْ
مِنّا الدمعْ/
ما عادْ زيَنّا...
ما عادْ عنّا رجالْ أوْ نسوانْ،
تِضرُبْ عَ صدرا:
"لا تجنّنا"
ما عادْ عنّا ديرْ أو صلبانْ
ولا مغاوِرْ تدفيكْ،
أوْ عِنّا...
نجومْ تُغزُل بالسما قصدانْ/
تغنّي لمجدْ الربْ "أوشعنا"...
علّمتنا- تُهربْ عَ مصرْ-
وكانْ...
من يومها/
نُهرُبْ معكْ كنّا/
بالخوف... بالتعتيرْ ...
بالإيمان...
رجعنا نواجهْ
مينْ يِطْعَنّا
لا الطَعنْ وَحَّدْ حَوْلَك القِطْعان،
وبعدا ديابْ الكفرْ،
تِتْجنّى،
تنهشْ نيابا رونق الإنسان،
وتقولْ الله –
وتسرقكْ
منّا،
مرّة يا الله كونْ للعميانْ/
وما يعودْ فكر الكفرْ،
يِلْعَنَّا
وما تترك الإنسانْ للإنسانْ/
ديابْ بلحمْ بعضا "تِتْهَنَّى"
هيكْ بدّك ع الأرض خوتان؟
وبالسما؟
شو ؟
ناطرْ
شهادات؟
تكفر بدمّا وتنقذكْ منّا؟؟؟
****
غفرلي يا الله انكِنْتْ عَمْ إخطي/
خايف ما يرجع مزودَكْ دافي/
لا تخاف/
مَنِّي الحاكم البنطي/
نْبَرْدو؟
بدفّي جريك بشفافي ...
ميشال مرقص
ليست هناك تعليقات:
إرسال تعليق