شمّة عطر – 5
(همسات حبّ بالمحكي)
جوهان ميسلي (بلجيكي 1927 - ؟)
شو ملبّكي!
وكلّْ لْ دِني –
مشوارْ...
شو كانْ بدُّو
لْ عُمْرْ؟
تِتْنَزَّهِي...
إِغْفى عَ صَدْرِكْ
غُمْرْ...
بيصيرْ؟
-
يِمْكِنْ صارْ...
لا تأَجّْلِي لْ بُكرا
لَ يَوْمْ لْ أمسْ...
يِمْكِنْ حدا...
يِمْكِنْ
صِرِتْ خِتْيارْ...
صارو
حروفي لَمْسْ...
لوْ
كانْ بدّكْ تِشْهَدي
شي نهارْ...
"شفافِكِ
عَ تِمّي...
شَمسْ"...
2
متلِكْ
أنا
مغبونْ
عندي
لْ شَوقْ...
ناطِرْ
تَ شوفِكْ ...
عودْ
إشتقلِكْ...
عَ
مفرَقْ لْ أحلامْ
إعمِلْ
طَوْقْ...
كل
ما حِلِمْ
بِ
يفِلّْ...
إندهلِكْ...
3
كانْ لْ هوى
ماشي
عَ هاكْ لْ دَرْبْ...
ولْ حبّْ...
عَ كِتفو نْطوى...
متلْ لْ كأنّو لْ عُمرْ
يرجَعْ شبّْ...
وعّى حنينْ لْ عِشْقْ/
صارْ لْ خَمْرْ...
عَمْ يِعتقو
نبيداتْ عِنباتو...
كيفْ لْ خَطَرْتِ
بْ قَلْبْ
هَاكْ لْ شِعْرْ؟
وصارْ لْ خَمْرْ
عنقودْ شَهْقاتو؟
يِمْكِنْ حَكي/
ولْ عُمْرْ متلْ لْ شِعْرْ...
بينْسى
إذا دِبْلو ورداتو...
وبيضَلّْ سرّْ لْ حُبّْ
حامِلْ عِطِرْ/
مهما عِتقو كتيرْ
خَمْراتو...
ميشال مرقص
wawww une merveille!!!tres beau
ردحذف