شمّة عطر – 8
(همسات حبّْ بالمحكي)
Karl Hofer (1878-1955)
1
شو بحبِّكْ!
قلتْ – يِمكنْ بعْدْ...
عندي غلالْ منِلْ حَبَقْ ولْ وردْ
قلتْ – بعدي بهلْ عُمُرْ قادِرْ
حبّكْ
متلْ ما كنْتْ قبلْ لْ بَعْدْ...
وبعدْ أكتَرْ منْ جنونْ لْ وَعْدْ...
2
شوفي الحلا معمْشَقْ بِ فيّاتِكْ...
كانْ يِمكنْ ناقصو – شي حِلْمْ...
شي إسمْ –
عم يكرُجْ عَ ميّاتِكْ...
بين الإسمْ والعتمْ
صارْ الحلِمْ
عَ مدّْ غمرِة شوقْ
لهفاتِكْ...
3
هيكْ احترّقْ
لونْ لْ حبَقْ
صار لْ قَلَقْ
مغبونْ...
يِمْكِنْ مرّقْ
لو ما اشتلّقْ
كاسْ لْ عَرَقْ
مجنونْ ...
لَ شو لْ بكي
ضلّي اضحكي
حَدِّكْ تكي
مفتونْ
بليلْ لِلْ لكِ
شو ملبّكي
طلّي شبكي
تَ يكونْ...
عطر لْ خَلقْ
من تكتكي
سكرِة عِشقْ حسّون ...
4
ضلّي بِ حالِكْ
شايفي حالِكْ....
مغرور فيكِ لْ حبّْ...
لا بيكبرْ
وبيصيرْ يِحلالِكْ...
ولا بيختفي من لْ دربْ...
ولمِّن شي شهقا ب مَيْلْ جهلاني...
عَ لْ حبّْ تِندَهلِكْ...
متلْ لْ ما بعرِفْ كيف عطشاني
تْ قلِّكْ شو مشتقلِكْ...
وكلّْ ما زَّمنْ لَملمْ حواشي لْ
حلمْ
وهمّزْ بِ سفراتو...
تبقي لْ حلِمْ ذاتو
بْ تِبقي عَ كتفْ لْ وهمْ ...
5
ما عادْ
عندي شي
إحملِّكْ ...
غيرْ لْ حلا ولْ حبّْ ولْ أحلام...
متلْ لْ عَ خدّْ لْ حِلْمْ
إندَهْلِكْ...
بلْ وهمْ فتّشْ عنْ مدى لْ أوهامْ...
ولمِّنْ عَ صَدري ...لْ إسمْ إكتبلِكْ...
يصيرْ صدري غامرِكْ
تَ ينامْ...
يصيرْ الهوى يُومِي –
وعَ مَهْلِكْ
تغفى حروفْ لْ شوقْ...
ما بْ تنلامْ...
6
بْ لَيْلْ عمْ يحكي...
وشو طلّْ عَ خيالِكْ
لونْ لْ قمرْ مجنونْ بِ حالِكْ...
متلْ لْ سرّقْ ضحكي...
وغطّسْ بِ لونو
شهوةْ ديالِكْ ...
ميشال مرقص..
قلتْ – يِمكنْ بعْدْ...
ردحذفعندي غلالْ منِلْ حَبَقْ ولْ وردْ
قلتْ – بعدي بهلْ عُمُرْ قادِرْ
حبّكْ