شمّة عطر -9 (همسات حبّ بالمحكي)

 شمّة عطر -9

(همسات حبّ بالمحكي)

 

Pierre Claude Fraçois Delorme (1783-1859)

1

صارْ لْ عِطِرْ

محرومْ منْ جَنِّه...

رح يِنتِحِرْ...

لكنْ

طَمَنِّي...

إذا

بِ عُرْيِكْ

غلغَلو حروفو...

بِ يصيرْ

يِقْدِرْ

يِسْرِقِكْ منّي...

2

بعدْني

عَمْ فَكْفِكْ عراوي...

وزْرارْ

شو نَجْماتْ عَ صِدْرِكْ!!!

عمْ يِختِفو/

صارْ لْ قَمَرْ

ضاوي...

صَدْرِكِ غِوَى...

ومِتْلْ لْ خَمِرْ

خَصْرِكْ...

3

لا تِنْدَهي...

شو كانْ

بدّو لْ صَوْتْ

لمّا يِجي؟؟؟

وشوفو على شفافِكْ؟؟؟

رَنِّةْ حَلى...

مشتاقْ  إسمي يفوتْ

عَ مسمعي...

مسحورْ لوْ شافِكْ...

4

مهما

افترقنا

لْ عِطرْ ما بِ زولْ...

بِ رَجّعِكْ

متلْ لْ شَغَفْ بِ لْ كاسْ...

بْ يُدْخُلُ

بِ جسمي

بْ تولَعْ لْ أنفاسْ...

شو بْ قول

لمّا تِشْعَلي بْ حالي؟

بْ حِبِّكْ

متلْ وسواسْ؟...

-     خلّي لْ عِطرْ

يقول...

مش معقول...

5

عندْ لْ مسا

شو بْ حِبّْ

نَسْمِي تِلْتِجي...

عَ باب أسرارِكْ...

تَحْمِلْ إِلِكْ بسمي...

غَنْجِي...

ترجعْ تجي...

تجبلي معا

خبارِكْ...

عندْ المسا

شو بحبّ إنّي بوسّا

شو

أُغمرا – قمارِكْ...

6

Top of Form

يمكنْ أنا ما عادْ

عندي ظنونْ

تَ ضيّعِكْ...

صرتي لْ دني كلاَّ...

انْ ضعتِ

بْ دِنِي...

بِ يصيرْ متلي لْ كونْ

يخلقْ دني فيكي

تَ يِتْجلّى...

7

شو بعد بدّي

قولْ؟

ما شِفتِكْ...

صارْ لْ فِكِرْ مشغولْ...

يِمكِنْ

حِكي بِ سِرّْ...

يمكنْ راحْ

عَ حِلِمْ تجربْتِكْ...

مجهولْ

كانْ لْ فِكِرْ ...

ميشال مرقص