ضلّي حلَمي...
(بالمحكيّة
...)
بابلو بيكاسو – الحلم 23/1/1932
ضلّي حلَمي
لونْ الحلِمْ – مشوارْ...
تّ نلتقى
حِلمِكْ – متلْ غابي...
طيرْ عَ غصونْ الشجرْ محتارْ
بقلبْ العطرْ فتشْ عَ أحبابي...
لكنْ...
إذا تلوّن بعِطْر الغارْ
حِلمِكْ
بيبقى صيفْ – وغيابي
متلْ لْ كأنو الكرمْ
حصرمْ صارْ
وبعدو الخمرْ ما عوَّمْ الخابي...
ومتل لْ كأنو الرسمْ
فكرا – وطارْ
لون الرسمْ
عمْ ينشرْ ضبابي...
وكلْ الحلمْ متل ولادْ زغارْ
حبّو يعيشو
فرحة الموّالْ...
وتفرفطو ...
وتخربطْ حسابي ...
ميشال مرقص
ليست هناك تعليقات:
إرسال تعليق