لأ!
إنتِ هونْ
عتقو حجار الكونْ،
صار الزمنْ ختيارْ
باخْ وهجْ اللونْ،
رمادْ حلمْ النارْ...
ما عادْ تحرزْ هونْ
شو قصير هالمشوارْ
تخبّى بوجّو الـ"هَونْ"...
يمكنْ يجي نوّارْ،
ويعودْ - شو مجنونْ،
-
يعمّر دني من جديدْ،
يعمّر سطحْ قرميدْ،
ونكونْ
إنتِ وأنا بهالكونْ:
دوري أو حسوّن
ونغمة تغاريدْ...
شو حلمْ
يِمكنْ كونْ...
عَ قدْ ما بحبِّكْ
إرجعْ لاقيكِ هونْ
حدّْ الشِعرْ قلبِكْ..
نرجعْ خوابي نبيدْ
ويا غمرةْ التنهيدْ...
مظبوط شاخْ الكون؟
لأ!
إنتِ هونْ...
ميشال مرقص
ليست هناك تعليقات:
إرسال تعليق