الأمّ ... أمّي ...
إلى كلّ إبن فقد أمًّا
إلى كل أمّ فقدت إبنًا
عزائي ووقفة مشاركة
في عيد الأمّ... ولو كانت أمّي
في السماء...
***
وبعد إلى المرأة الأمّ بالفعل أو بالقوّة...
تحيّة تكريم...وتقدير
***
بعيدِك يا أمّي
كتير رحْ اهتمّ...
يزدان عُمرِك بالحلا،
يزيّنْ المشوارْ
ومنْ بعدْ إذنِكِ-
كل عيد الأمّ
رتل صلا
أنظم إلِك
اشعار...
لكنْ عَ درب العمر
أمّ وأمّ/
أمّ أولادي لها تذكارْ
سهرتْ وسهرت
كم ليلة عتمْ
تردّ الهنا لْ أطفالْ
كانو زغار...
وبالجامعة كانتْ معنْ تهتمّ
تخفّف عنن همّ
الدرس -مقدارْ...
وصارو
بناتي وكنّتي أمّات..
وصار الحنان يلفّ أحفادي...
كلّ غفوةْ حلمْ شو ضحكاتْ
كلْ بسمي/
يصير الصبح غادي...
وياما صديقاتي
ألن هالعيد،
أولاد أو أحفاد –
الله يزيد...
ومنهن يا أمي ...
ما رزق الله ...
لكنْ أمومة هالدني
بتنقاس
بالحبّ
بالإحساسْ
بعمقْ الحنانْ الخافق بقلب الكلّ
ما في مرا مشْ أمْ ..
ما في رجل ما بيشعر بحب وحنانْ
تارِك طفولة عمر
ما بتكبر
لمِّنْ حبيبة سفرتو بتهتم
تغنّجو بالحبّ أو أكتر...
بتصير هيي أمّ...
...
يا هالمرا
بعيد الأمومة بريد
عيّدِك بالحبّ...
أنتِ – أمومة – والعشق بيزيد
بشهقة حنان القلبْ...
ميشال مرقص
ليست هناك تعليقات:
إرسال تعليق