شمّة عطرْ – 10
(همسات حبّ بالمحكي)
(E rnst Josephson (1851 -1906
1
شو بتنظمي بالحبّ أشعارِكْ
ومتلِكْ أنا/
مخبّا بأسرارِكْ...
حاجي وهمْ هـ الحبّْ
لو بيكونْ
مجدولْ شِعرو
يصيرْ إسوارِكْ...
2
ضلّي سحرْ مجدولْ عَ شفافي
تبقي حلمي عَ طولْ...
يمكنْ
بحلمِكْ
إضحَكْ وغافي...
-
شو بقول؟
خلّي الحلا مجدول عَ شفافي...
3
لا تسهري...
لَ شو السهر؟
تعوّدِتْ ما شوفِكْ...
يمكِنْ
لأنو تغيّرو ظروفِكْ
فلّْ القمرْ...
4
حمليني شي عِطِرْ
يندَهْ لَ حالو...
شي كمشة لونْ
شي نسمةْ خيالْ ملوّنْ بِبالو...
شي سحرْ عمّرْ كونْ...
ما بحبّْ
إنِّكْ تِحْملي وجودي...
بحبّْ
كونْ خيالْ...
لمّنْ تكوني هَيكْ
موعودي...
إحضَرْ
منِ لْ بالْ...
إنِّكْ تِحْملي وجودي...
بحبّْ
كونْ خيالْ...
لمّنْ تكوني هَيكْ
موعودي...
إحضَرْ
منِ لْ بالْ...
5
حبّيتْ
لو إنّو على جسمي دَلَقْ...
عطرِكْ...
كانْ خصرِكْ
صارْ
مجنونْ الحبّقْ...
لو ما احترق...
ميشال مرقص
لا تسهري...
ردحذفلَ شو السهر؟
تعوّدِتْ ما شوفِكْ...
يمكِنْ
لأنو تغيّرو ظروفِكْ
فلّْ القمرْ...
تبقي حلمي عَ طولْ...
ردحذفيمكنْ