شمّة عطر -8
(همسات حبّ بالمحكي)
Jean Puy (8 November 1876, Roanne, Loire – 6 March 1960)
1
شو ملبّكي!
وكلّْ لْ دِني –
مشوارْ...
شو كانْ بدُّو
لْ عُمْرْ؟
تِتْنَزَّهِي...
إِغْفى عَ صَدْرِكْ
غُمْرْ...
بيصيرْ؟
-
يِمْكِنْ صارْ...
لا تأَجّْلِي لْ بُكرا
لَ يَوْمْ لْ أمسْ...
يِمْكِنْ حدا...
يِمْكِنْ
صِرِتْ خِتْيارْ...
صارو
حروفي لَمْسْ...
لوْ
كانْ بدّكْ تِشْهَدي
شي نهارْ...
"شفافِكِ
عَ تِمّي...
شَمسْ"...
ميشال مرقص
15/11/2014
2
حكِيني ومى-
مشتاقْ تِحكي
شَوْيْ –
بِ لْ هَـمْسْ...
بْ شفاف لْ شَمْسْ
بِ لْ فَيْ...
بِ حدودْ عينيكِ ...
بِ جنونْ شَعْرِكْ
بِ لْ شوقْ
يِتْنَقْوَزْ عَ إيديكي...
حكِيني ومى ...
لا تِجْرحي شفافِكْ
صارْ لْ شِعِرْ
عمْ يشتهي جريكي/
تِجي/
شو صارْ بِ لْ مشوارْ؟
عقدو الأساوِرْ وَعْدْ...
صارو سرارْ؟...
يِمْكِنْ بلا مواعيدْ
أحسنْ
تصيرْ لْ صدَفْ عمْ تِحتِرِقْ
بِ لْ أمسْ...
يمْكنْ همسْ !
ميشال مرقص
9/11/2014
